Bakıda daha bir sammit başlayıb. Bu haqda bu gün, 3 iyul tarixində Bakuplus.az Report-a istinadən xəbər verir.
COP29 çərçivəsində “PwC Azərbaycan” şirkəti “Dayanıqlı inkişaf naminə dövlət-özəl tərəfdaşlığı” mövzusunda 2 günlük ekoloji, sosial və idarəetmə (ESG) sammiti təşkil edib.
Tədbirdə COP29-un prezidenti Muxtar Babayev sammit iştirakçılarına videomüraciət ünvanlayıb.
“Hazırda ümumi həllər tapmaq çox vacibdir. Bu, hər kəsə iqlim dəyişikliyi ilə mübarizə aparmağa imkan verəcək. İştirakımız və bu sammitdən öyrəndiyimiz dərslər gələcək üçün planlarımızı formalaşdıracaq. Bizim COP29 üzrə baxışımız ambisiyaları artırmaq, inklüziv və şəffaf şəkildə tədbirlər görmək imkanını təmin etməkdir. Azərbaycan milli iqlim fəaliyyət planları, uyğunlaşma planları və şəffaflıq hesabatları vasitəsilə bütün tərəflərə öz ambisiyalarını artırılmasında dəstək verməyə çalışır”, – deyə o qeyd edib.
