COP29 üçün Bakıda 2 xəstəxana ayrılıb. Bu haqda bu gün, 6 may tarixində Bakuplus.az APA-ya istinadən xəbər verir.
COP29 konfransı ilə bağlı paytaxtda 2 iri xəstəxana iştirakçılar üçün fəaliyyət göstərəcək. Belə ki, Mərkəzi Neftçilər Xəstəxanası və Yeni Klinika ixtisaslı tibbi xidmətin göstərilməsi üçün ayrılıb.
Mərkəzi Neftçilər Xəstəxanasında ümumilikdə 60 çarpayı olmaqla 10 çarpayılıq Yanıq Mərkəzi də yaradılacaq. Yeni Klinikada isə stasionar xidmət üçün 550 çarpayı nəzərdə tutulub. Bundan başqa, infeksion xəstəliklər və ya fövqəladə hal ehtimalı nəzərə alınaraq Məhəmmədi, Bilgəh və Kliniki Tibbi Mərkəzin nəzdindəki modul tipli xəstəxanaların da fəaliyyəti xidməti zərurət üçün uyğunlaşdırılıb.
Ümumilikdə tədbirin keçiriləcəyi müddətdə 30 təcili tibbi yardım briqadasının xidmət göstərməsi planlaşdırılır. 1000-dən çox qonaq sayının məskunlaşdığı ərazilərdə 24 saat tibb məntəqəsi və tibbi yardım briqadaları fəaliyyət göstərəcək.
COP29-un keçiriləcəyi məkanda tədbirin ilk günü TƏBİB tərəfindən yaradılan 4 tibb məntəqəsi, 4 təcili tibbi yardım briqadası fəaliyyət göstərəcək.
