Bakıda noyabrın 11-25-də baş tutacaq BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) zamanı Bakıda iri tədbirlərə qadağa qoyulacaq. Bu barədə sosial şəbəkələrdə qızğın müzakirələr aparılır. Bu haqda bu gün, 16 iyul tarixində Bakuplus.az məlumat verir.
İnternet istifadəçiləri bildirirlər ki, noyabr ayında toy məclisi keçirmək üçün rezerv olunmuş şadlıq evləri mövcud bronları ləğv edir.
Bunu şadlıq saraylarının əməkdaşları da təsdiqləyirlər. Belə ki, artıq razılaşdırılmış bronlar digər tarixlərə təxirə salınır.
Vətəndaşlar, həmçinin iddia edirlər ki, bəzi məktəblər ya tədris ilinin sentyabrın 1-dən başlayacağını, ya da yeni il tətilinin noyabra salınacağını elan edib.
Beynəlxalq hotel brendləri isə sözügedən tarixlərə bron qəbul etmirlər.
Hazırda rəsmi qurumlardan bu barədə açıqlama təqdim olunmayıb.
