Bakıda keçiriləcək COP29 barəsində yeniliklər açıqlanıb. Bu haqda bu gün, 15 aprel tarixində Bakuplus.az xəbər verir.
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) loqosu ictimaiyyətə təqdim edilib.
Loqoda buta, yarpaq və su damlaları simvollarının sintezinə dayanaraq təbii resursların əhəmiyyəti kontekstində ekoloji həssaslığa və Azərbaycanın zəngin mədəni irsinə xitab edilib. İllüstrativ su damlaları şəklində olan butalar isə özü-özlüyundə beş fərqli elementi ifadə edir - flora və fauna, hava və külək, su, enerji və kainat.
Həmçinin tədbirin Bakı Olimpiya Stadionunda keçiriləcəyi açıqlanıb.
COP29 bu il 11-25 noyabr tarixlərində baş tutacaq.
