Bakının ictimai çimərliklərində yay mövsümünə hazırlıq başa çatıb. Bu haqda 6 iyun tarixində Report.az məlumat verib.
Yay çimərlik mövsümü ilə əlaqədar Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Bakı şəhərinin sahilyanı ərazilərində yaradılan ictimai çimərliklərdə movsümə hazırlıq işləri başa çatıb.
Sahil, Buzovna, Novxanı, Görədil və Pirşağı qəsəbələrində, Səbail rayonunda, “Şıx” çimərlik ərazisində fəaliyyət göstərən çimərliklərdə movsümə hazırlıq işləri başa çatıb. Lazımi təmizlik-abadlıq işləri aparılıb, qış ərzində dəniz sahilinə yığılan tullantılar, həmçinin dalğaların sahilə atdığı müxtəlif əşyalar yığışdırılıb, digər təmizlik işləri görülüb. Çimərlik ərazilərində maarifləndirici lövhələr, poster və elanlar yenilənib. Ərazidə Fövqəladə Hallar Nazirliyinin xilasetmə məntəqələri, həmçinin tibb məntəqələri təşkil olunub.
Nazirlər Kabineti yanında Operativ Qərargahın sərəncam və təlimatlarına əsasən, çimərlik mövsümünün başlanması 15 iyun tarixinə təyin edilib.
