İctimai nəqliyyat üçün nəzərdə tutulan “BakıKart” sisteminin onlayn ödəniş xidməti istifadəyə verilib. Bu haqda bu gün, 24 sentyabr tarixində Bakı Nəqliyyat Agentliyinin mətbuat xidməti məlumat yayıb.
Xidmətdən istifadə etmək üçün online.bakikart.az internet portalından qeydiyyatdan keçərək şəxsi kabinet yaratmaq lazımdır.
Balansı birbaşa və ya kartı şəxsi kabinetə əlavə edərək artırmaq mümkündür. Ödənişdən sonra 1 saat ərzində məbləğ kartın balansına oturacaq.
Həmçinin, agentlik tərəfindən prosesin gedişatı videoformatda sərnişinlərə təqdim edilib.
Gələcəkdə mərhələli qaydada online ödəmə xidmətinin tətbiqi, eləcə də QR kod, NFC və EMV (bank kartı il birbaşa ödəniş) texnologiyalarının istifadəsi planlaşdırılır.
