İŞİD terror təşkilatının silahlı münaqişələrində iştirak etməkdə təqsirləndirilən Şahin Salayevə hökm oxunub. Bu haqda bu gün, 19 sentyabr tarixində Bakuplus.az Qafqazinfo-ya istinadən məlumat verir.
Bakı Ağır Cinayətlər Məhkəməsində keçirilən məhkəmə prosesi zamanı o, təqsirli bilinərək 7 il müddətinə azadlıqdan məhrum edilib.
Şahin Salayev Dövlət Təhlükəsizliyi Xidməti tərəfindən həbs edilib. Verilən məlumata görə, onun Suriya-İraq ərazisində 10 illik döyüş təcrübəsi olub. Ona qarşı “Dini məzhəbləri yaymaq zəminində Azərbaycandan kənarda silahlı münaqişələrdə iştirak etmə” maddəsi ilə ittiham irəli sürülüb.
Araşdırma zamanı, həmçinin məlum olub ki, Salayev 2016-cı ildə Suraxanı Rayon Məhkəməsinin qətnaməsi ilə xaricdəki silahlı münaqişələr zamanı ölmüş elan edilib.
