Prezident İlham Əliyev Bakıda “Gənclik” metrosu yaxınlığında yaradılan yeni parkda işlərin gedişi ilə tanış olub. Bu haqda bu gün, 30 iyul tarixində Bakuplus.az Prezidentin rəsmi saytına istinadən xəbər verir.
“Antena” parkı kimi tanınan bu ərazidə yararsız vəziyyətdə olan bəzi tikililər sökülüb. Söküntü işlərindən sonra parkın ərazisi daha da genişləndirilib və 19 hektara çatdırılıb. Burada olan mövcud tarixi inzibati bina saxlanılıb və həmin binada bərpa işləri aparılacaq.
Yenidən qurulan parkda 2 restoran inşa olunur, eləcə də burada 2 fəvvarə quraşdırılacaq. Ərazinin 13,8 hektar sahəsində yaşıllıq salınacaq, həmçinin piyada və velosiped yolları çəkiləcək, uşaq-əyləncə və idman meydançaları yaradılacaq.
Sözügedən parkı yaxınlıqdakı “Dədə Qorqud” parkı ilə əlaqələndirəcək tunelin də inşasına başlanılıb.
Bütün bu məsələlərlə bağlı Bakı Şəhər İcra Hakimiyyətinin başçısı Eldar Əzizov dövlət başçısına məlumat verib.
[caption id="attachment_145163" align="alignnone" width="640"]
Foto Prezident.az[/caption]
