Azərbaycanın mərhum dövlət və siyasi xadimi Afiyəddin Cəlilovun nəvəsi yenidən ictimai nəqliyyatda videoları çəkməyə başlayıb.
Bakuplus.az xəbər veri ki, 5 oktyabr tarixində Əli-Afiyəddin dostları ilə birgə metronun “İnşaatçılar” stansiyasında “məzəli” video çəkib, qatarın dalınca qaçaraq səs-küy salıb.
Qeyd edək ki, Səbail rayon sakini olan 15 yaşlı Əli-Afiyəddin Nihad oğlu Cəlilov sosial şəbəkələrdə “Jalilov” adlı profillə tanınır. Babasının adını daşıyan yeniyetmənin atası Nihad Cəlilov isə Bakıda tanınmış biznes adamlarından sayılır. “Armada Distrubition” şirkətinin rəhbəri olan Nihad Cəlilov Bakı bulvarı ərazisində iaşə obyektinə də sahibdir.
Qeyd edək ki, Afiyəddin Cəlilov Naxçıvan Muxtar Respublikasının Ali Məclisinin sədri, Azərbaycan Ali Sovetinin sədr müavini, daha sonra Prezidentin müşaviri olub. 1994-cü ildə Bakıda yaşadığı binanın blokunda sui-qəsd nəticəsində öldürülüb.
