Bakıda dələduzluq edən ekstrasens həbs edilib. Bu haqda bu gün, 18 may tarixində Bakuplus.az Qafqazinfo-ya istinadən xəbər verir.
Bakı Ağır Cinayətlər Məhkəməsinin qərarı ilə Quba rayon Qamqam kənd sakini olan falçı Mətləb Nemətullayev 5 il 6 ay müddətinə azadlıqdan məhrum edilib.
Təqsirkar instaqramda “Baxıcı Ekstrasens Hikmət” adı ilə falçı xidməti göstərib. Mədinə Məmmədova (şərti) ona müraciət edib və külli miqdarda pul ödəyib.
Belə ki, Mədinə ailəsində yaranmış problemin həll olunması, evindəki caduların təmizlənməsi, qardaşının ondan ayrılmaq üzrə olan həyat yoldaşının evə qayıtması və övladını abort etdirməməsi, anasının ölümcül xəstəliyə qalib gəlməsi və qardaşının əsəblərinin hər zaman sakit olması üçün Mətləbə ümumilikdə 7790 AZN pul verib.
Bir müddət sonra müştəri və “falçı”nın arasında mübahisə yaranıb. M.Nemətullayev müştərisini hədələyərək ondan daha 2400 AZN tələb edib. Bundan əlavə, qisas almaq niyyəti ilə zərərçəkmişin qardaşının və onun qayınanasının şəkillərini sosial şəbəkəyə yerləşdirib.
Daha sonra o saxlanılıb.
