Bakı şəhərinin Binəqədi rayonunda Şimal vaqon deposunun ərazisində ümumi sahəsi 250 kv.m olan birmərtəbəli 8 otaqlı texniki xidmət məntəqəsinin 1 otağının tavanı 12 kv.m sahədə və dam örtüyü 50 kv.m sahədə yanıb. Məntəqənin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
12:40 - Dəmir yollarının Biləcəri Texniki Xidmət Məntəqəsində tüstülənmə olub
Bu gün, 16 yanvar saat 10:35 radələrində “Azərbaycan Dəmir Yolları” QSC-nin (ADY) Biləcəri Texniki Xidmət Məntəqəsinin dam örtüyündə tüstülənmə qeydə alınıb. Bu haqda Bakuplus.az ADY-yə istinadən məlumat verir.
Hadisə yerinə ADY-nin yanğınsöndürmə qatarı və Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri cəlb edilib. Qısa müddət ərzində tüstülənmənin qarşısı alınıb.
Hadisə zamanı xəsarət alan olmayıb.
