Daxili İşlər Nazirliyi “Son zəng”lə bağlı müraciət edib. Bu haqda bu gün, 13 iyun tarixində Bakuplus.az quruma istinadən xəbər verir.
DİN valideynlərə sürücülük hüququ olmayan övladlarına avtomobil verməmələri ilə bağlı çağırış edib.
Bununla bağlı tədbirlərin keçirildiyi təhsil müəssisələrinin yerləşdiyi ərazilərdə naryad qruplarının sayının artırılması, iştirakçıların təhlükəsizliyi, məzunların avtomobillərlə hərəkəti ilə bağlı ictimai qaydaya nəzarətin gücləndirilməsi nəzərdə tutulub.
“İlk növbədə avtomobilini sürücülük hüququ olmayan övladına etibar edən valideynlərə səslənirik. Xatırladırıq ki, belə hallar ciddi qayda pozuntusudur və inzibati məsuliyyət yaradır. Əziz məzunlar, yaddan çıxarmayın ki, sizin gələcək həyatınızda hər bir uğurunuz valideynləriniz və cəmiyyətimiz üçün çox vacibdir”, – deyə qurum valideyn və məznulara müraciət edib.
