Bakı-Quba-Rusiya ilə dövlət sərhədi ödənişli avtomobil yolunda ödəmə məntəqələrinin yerləri və qiymət cədvəli açıqlanıb. Bu haqda bu gün, 31 oktyabr tarixində Bakuplus.az Azərbaycan Avtomobil Yolları Dövlət Agentliyinə (AYNA) istinadən məlumat verir.
Yolun ödənişli hissəsinin başlanğıc və son nöqtələri aşağıdakı kimidir:
– Başlanğıc nöqtəsi – Yeni Yaşma ödəmə məntəqəsi, 0-cı km (mövcud magistral yolun 52-ci km-i);
– Son nöqtə – Yeni Sudur ödəmə məntəqəsi, 129-cu km (Qusar-Xudat yolunun 22-ci km-i).
Ödənişli avtomobil yolunun başqa avtomobil yolları ilə kəsişmələri və birləşmələri:
– Giləzi ödəmə məntəqəsi, 23-cü km (mövcud magistral yolun 75-ci km-i);
– Siyəzən ödəmə məntəqəsi, 53-cü km (mövcud magistral yolun 105-ci km-i);
– Gəndob ödəmə məntəqəsi, 85-ci km (R1 Gəndob-Xaçmaz-Yalama yolunun 1-ci km-i);
– Xaçmaz ödəmə məntəqəsi, 107-ci km (R4 Quba-Xaçmaz yolunun 19-cu km-i).
Sürücülər daxil olduğu ödəniş məntəqələrindən başlayaraq yalnız qət edəcəkləri məsafəyə (km) uyğun ödəniş etməlidirlər.
[caption id="attachment_118255" align="alignnone" width="640"]
Foto AYNA[/caption]
