Azərbaycanda II Sığorta Festivalı keçiriləcək. Bu haqda bu gün, 14 avqust tarixində Bakuplus.az xəbər verir.
Festival 17 avqustdan 7 sentyabradək Azərbaycan Mərkəzi Bankı, "Azərbaycan Sığortaçılar Assosiasiyası" və İcbari Sığorta Bürosunun birgə təşkilatçılığı ilə baş tutacaq.
Festival Bakıdakı Dənizkənarı Milli Parkda başlayacaq. Eyni zamanda, festival 24 avqustda Naxçıvanda, 30 avqustda İsmayıllı, 31 avqustda Mingəçevir və 7 sentyabrda Gəncədə keçiriləcək.
Tədbirdə sığorta şirkətləri iştirak edəcək, maarifləndirmə əyləncəli şoular, musiqi proqramları və hədiyyəli yarışmalarla həyata keçiriləcək. Festivalın məqsədi sığorta sahəsində bilikləri artırmaq və xidmətlərə marağı təşviq etməkdir.
