İyulun 3-də Bakının Yasamal rayonu Kənar Dairəvi yolda avtomobilin dərəyə aşması ilə bağlı cinayət işi açılıb. Bu haqda Bakuplus.az Azərbaycan Respublikası Baş Prokurorluğuna istinadən məlumat verir.
İnsan ölümü ilə nəticələnən yol qəzasının qəsdən törədildiyi məlum olub. İlkin məlumata görə, “Cherry” markalı avtomobilin sürücüsü yanında olan qadın tanışı ilə mübahisə edərək, maşını qəsdən dərədən aşırıb.
Faktla bağlı istintaq aparılır, sürücüyə qəsdən adam öldürmə faktı ilə bağlı ittiham irəli sürülüb.
Prokurorluqdan əldə olan məlumata əsasən, hadisə nəticəsində 42 yaşlı Günay Əkbərova ölüb, 34 yaşlı Mustafa Nəcəfov isə xəsarət alıb.
Mustafa Nəcəfov iş üzrə Cinayət Məcəlləsinin “Qəsdən adam öldürmə” maddəsi ilə təqsirləndirilən şəxs qismində cəlb edilib. Hazırda xəstəxanada müalicəsinin davam etdirilməsi nəzərə alınaraq, barəsində polisin nəzarəti altına vermə qətimkan tədbiri seçilib.
