Dövlət Yol Polisi avtomobilində yazı və şəkil olan sürücülərə xəbərdarlıq edib. Bu haqda 19 oktyabr tarixində Oxu.az xəbər verib.
Baş Dövlət Yol Polisi İdarəsi bildirib ki, sürücülər avtomobillərinin arxa şüşələrinə müxtəlif məzmunlu şüarlar, yazılar, fotolar yapışdırırlar. Bu isə digər sürücülərin diqqətini cəlb edir, idarəetmədən yayındırır ki, bu da qəzalara səbəb olur.
Bununla əlagədər polis tədbirlər görəcək. Aşkar olunmuş belə avtomobillər dayandırılacaq və həmin yazılar, fotolar çıxarılacaq.
Yol Polisi sürücülərə müraciyyət edərək, onlardan nəqliyyat vasitələrində bu cür yazılar, fotolar çıxarılmasını xahiş edib.
