Azərbaycan Yerüstü Nəqliyyat Agentliyi (AYNA) növbəti bir neçə avtobus marşrutunu müsabiqəyə çıxarıb. Bu haqda bu gün, 2 may tarixində Bakuplus.az AYNA-ya istinadən məlumat verir.
Müsabiqəyə paytaxtın 120, 126, 140 və 508 nömrəli şəhərətrafı, Bakı–Zaqatala, Bakı–Oğuz, Bakı–Bərdə, Bakı–Tərtər, Bakı–Beyləqan, Bakı–Kürdəmir, Bakı–Göyçay, Bakı–Şabran, Bakı–Siyəzən və Bakı–Masallı şəhərlərarası, eləcə də 120E, 121E və 140E nömrəli ekspres avtobus marşrutları çıxarılıb.
Sənədlər 30 may saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Tarzən Hacı Məmmədov küçəsi, 5; əlaqələndirici şəxs: Elsevər Qədimov – tel.: 050-855-53-55, elektron ünvan: elsevar.gadimov@ayna.gov.az) qəbul ediləcək.
Lotlar üzrə marşrutların qrafikləri haqqında məlumatı buradan əldə edə bilərsiniz.
