Binəqədi Rayon Məhkəməsində paytaxtın Binəqədi rayonu, Xocasən qəsəbəsində yerləşən 333 nömrəli tam orta məktəbinin direktor vəzifəsini icra edən İlahə Həmidovanın barəsində xüsusi ittiham qaydasında verilən şikayətə baxılıb.
Məhkəmə iclasına hakim Aytəkin İbrahimovanın sədrlik edib.
Xüsusi ittiham qaydasında şikayət vermiş Mehparə Əlizadə bildirib ki, 17 noyabr 2025-ci il tarixdə həmin məktəbdə keçirilən pedaqoji şuranın iclası zamanı məktəbin direktor vəzifəsini icra edən İlahə Həmidova tərəfindən onun ünvanına açıq şəkildə təhqiredici ifadələr işlədilib. İddiaya görə, iclas zamanı İlahə Həmidova şikayətçiyə qarşı dəfələrlə "dur zaldan rədd ol" ifadəsini işlədib, həmçinin "adama oxşamaz" kimi sözlər səsləndirib.
Ancaq sonda Mehparə Əlizadə məhkəməyə ərizə ilə müraciət edərək İlahə Həmidova ilə barışdığını, ona qarşı heç bir şikayət və tələbinin olmadığını bildirib. Odur ki, iş üzrə icraata xitam verilməsini xahiş edir.
Qərara əsasən, şikayət üzrə cinayət təqibinə xitam verilib.
Mənbə: pravda.az
