İdman Akademiyasının tələbəsini öldürən şəxsə hökm oxunub. Bu haqda bu gün, 14 may tarixində Bakuplus.az APA-ya istinadən xəbər verir.
Bakı Ağır Cinayətlər Məhkəməsinin hakimi Rasim Sadıxovun qərarına əsasən, Fateh Məmmədov 10 il müddətinə azadlıqdan məhrum edilib.
Ötən ilin iyununda paytaxtın Nərimanov rayonunda 19 yaşlı Fateh Məmmədov aralarında yaranmış mübahisə zamanı Hikmət Kərimovu bıçaqlayaraq öldürüb.
Ona qarşı Cinayət Məcəlləsinin “Xuliqanlıq niyyəti ilə qəsdən adam öldürmə” və “Silah qismində istifadə olunan əşyalardan istifadə etməklə xuliqanlıq” maddələri ilə ittiham irəli sürülüb.
Öldürülən Hikmət Kərimov Azərbaycan Dövlət Bədən Tərbiyəsi və İdman Akademiyasının ikinci kurs tələbəsi idi.
