DOST agentliyi könüllü olaraq təcrübə proqramlarına qoşulmaq istəyən gənclərin qəbulunu
“Könüllü DOST” layihəsi çərçivəsində davam etdirir.
Agentlikdə könüllülük fəaliyyəti 3 istiqamətdə təşkil edilib: "Gənc DOST", "Gümüşü DOST" və "Virtual DOST" altproqramları.
"Virtual DOST" altproqramına qoşulmaq üçün yalnız kompüter, planşet və ya smartfon kifayət edir.
Fəaliyyət müddəti 2 ay davam edən proqrama 16-29 yaş arası gənclər qatıla bilər. Təcrübə müddətində iş 3 növbədə təşkil olunur. Bu fəaliyyət sayəsində gənclər həm iş təcrübələrini artırır, həm də əhalinin xüsusi həssas təbəqəsi ilə işləmək bacarığı əldə edirlər.
Fəaliyyətini uğurla başa vuran gənclərin hər birinə xüsusi sertifikat veriləcək.
İştirak etmək istəyənlər üçün qeydiyyat mütləqdir.
