UEFA Avropa çempionatının seçmə mərhələsi çərçivəsində baş tutacaq matçla bağlı Bakı Şəhər Dövlət Yol Polisi İdarəsi əhaliyə müraciət edib. Bu haqda bu gün, 14 oktyabr tarixində Bakuplus.az Daxili İşlər Nazirliyinin mətbuat xidmətinə istinadən məlumat verir.
Polis mayoru Araz Əsgərli bildirib ki, Azərbaycan və Avstriya milliləri arasında olan matça gələn azarkeşlərin stadiona bir saat əvvəl gəlmələri tövsiyə olunur, eləcə də sıxlığın yaranmaması üçün ictimai nəqliyyata üstünlük vermələri xahiş olunur.
Daha öncə həmin gün metronun gücləndirilmiş rejimində işləyəcəyi barədə məlumat verilmişdi.
Matç oktyabrın 16-da saat 20:00-da Tofiq Bəhramov adına Respublika stadionunda baş tutacaq.
