Paytaxtda keçiriləcək “Teknofest” festivalı ilə əlaqədar DYP sakinlərə müraciət edib. Bu haqda bu gün, 24 may tarixində Bakuplus.az Baş Dövlət Yol Polis İdarəsinə istinadən xəbər verir.
26-29 may tarixlərində tədbir ərazisinə iştirakçıların daşınması üçün xüsusi avtobuslar fəaliyyət göstərəcək. Nəqliyyat vasitələri 08:30-18:00 aralığında 28 may metro stansiyasından festival ərazisinə, 09:00-da 21:00-a qədər isə əks istiqamətdə hərəkət edəcək.
Həmçinin əraziyə xüsusi taksi xidmətləri də təşkil olunacaq.
Bundan əlavə, tədbirin keçiriləcəyi Dənizkənarı Bulvar və “Crystal Hall” istiqamətində mütəmadi olaraq avtomobillərin hərəkəti qismən və ya tam məhdudlaşdırıla bilər.
