Özlərini falçı kimi təqdim edərək 2 milyon manat ələ keçirən şəxslərə hökm oxunub. Bu haqda 21 fevral tarixində APA məlumat verib.
Ər-arvad instagram üzərində “Ekstrasens Maya” səhifəsi açaraq falçılıq etməsi barəsində elan veriblər. Onun xidmətindən Bakı şəhər sakini Rəna Ağarzayeva istifadə edib. Bəxtin açılması üçün 2 il ərzində dələduzlara 2 milyon manat pul verib.
Dələduzların qurbanı olduğunu nəhayət başa düşən Ağarzayeva polisə müraciət edib. Polisin keçirdiyi əməliyyatdan sonra Şəfəq İsmiyeva və həyat yoldaşı Ceyhun Zeynallı saxlanılıblar. Onlar Cinayət Məcəlləsinin “Xüsusilə külli miqdarda ziyan vurmaqla dələduzluq” maddəsilə ittiham olunublar.
Bakı Ağır Cinayətlər Məhkəməsində Ceyhun Zeynallı 11 il, Şəfəq İsmiyeva isə 10 il azadlıqdan məhrum edilib.
