Elm və Təhsil Nazirliyində yeni təyinat olub. Bu haqda bu gün, 5 oktyabr tarixində Bakuplus.az Report-a istinadən xəbər verir.
35 yaşlı Turxan Süleyman Elm, ali və orta ixtisas təhsili şöbəsinin Elm sektorunun müdiri, şöbə müdiri vəzifəsinə müvəqqəti icraçı təyin olunub.
Turxan Süleyman Bakı Slavyan Universitetinin bakalavr, Bakı Dövlət Universitetinin magistratura və doktorantura məzunudur. Daha öncə o, Mədəniyyət və İncəsənət Universitetində baş müəllim və şöbə müdiri vəzifəsində çalışıb, həmçinin "Yüksəliş" müsabiqəsinin qalibi olub.
Sözügedən vəzifəni Bakı Mühəndislik Universitetinə təyinat alan Yaqub Piriyev icra edirdi.
