Əməkdar artist Elza Seyidcahan yenidən canlı efirdə atdığı addımla gündəmə gəlib.
Milli.az xəbər verir ki, aralarında məhkəmə çəkişməsi olan aparıcı Zaur Nəbioğlunun canlı efirinə qoşulan sənətçi telefonu onun üzünə bağlayıb.
Bəstəkar-müğənni sözügedən proqramda qonaq olan müğənni Elçin Cəfərovla aralarında yaranan anlaşılmazlığa da aydınlıq gətirib:
"Mən sizinlə məhkəmədə görüşəcəyəm. Siz məni çox istəməyə borclusunuz. Bizi qoruyub, qayğımıza qalmalısınız. Çünki Xalq bizi sevir.
Yaxın zamanda Elçinlə studiyada görüşdük, qucaqlaşdıq. Gözləmədiyim reaksiya vermişdi. O sözü savadsız, cahil biri desəydi, anlayardım. Mənim aləmimdə yaradıcı insanlar üçün anlamamaq deyə, bir qavram yoxdur. Gördüyümüz işin dəyərini dövlətimiz verib. Yaradıcılığa gəldikdə isə evdə doğmalarım belə anlamaya bilər. Məni anlamayan oxucu və dinləyicilərimi çox gözəl qəbul edirəm".
Sonda onu da bildirək ki, sənətçi aparıcının sözünü ağzında qoyaraq telefonu Zaurun üzünə bağlayıb.
Pərt olan Nəbioğlu Əməkdar artisti sevməyə borclu olduğunu bilmədiyini deyərək, vəziyyətdən çıxmağa çalışıb.
