Bakı Ağır Cinayətlər Məhkəməsində Aydın Zəkiyevin cinayət işi üzrə məhkəmə istintaqı başa çatıb. Bu haqda bu gün, 19 oktyabr tarixində Bakuplus.az Qafqazinfo-ya istinadən xəbər verir.
Keçirilən iclasda prokuror ittiham nitqi ilə çıxış edib. O, Zəkiyevin 19 il müddətinə azadlıqdan məhrum edilməsini istəyib.
Vəkillərə müdafiə çıxışına hazırlaşmaq üçün vaxt verilib.
2021-ci ildə Dövlət Təhlükəsizliyi Xidmətinin (DTX) əlaqələr şöbəsinin məlumatına görə, həyata keçirilmiş əməliyyat-istintaq tədbirləri nəticəsində Aydın Zəkiyevin Ermənistan xüsusi xidmət orqanı nümayəndələrinə Azərbaycana qarşı düşmənçilik fəaliyyəti aparmaqda kömək göstərməklə dövlətə xəyanət etməsinə əsaslı şübhələr müəyyən edilmişdi.
