Fitnes məşqçisi Kamil Zeynallıya Ermənistan tərəfindən elan edilən axtarış aradan qaldırılıb.
Olay.az yazır ki, bu haqda idmançı qonaq olduğu “Tarixin bir günü” verilişində məlumat verib.
K.Zeynallı bildirib ki, bundan sonra o, rahatlıqla xarici ölkələrə gedə biləcək:
“Bu yaxınlarda səfirlikdən mənə zəng gəldi ki, təbrik edirik, düşmənlər tərəfindən qoyulan axtarış üzərindən götürülüb. Bunu dövlətimiz edib. Tək mən yox, bir neçə şəxsin üzərində olan axtarış aradan qaldırılıb”.
Qeyd edək ki, ötən ilin fevralında Moskvada hava limanında saxlanılan fitnes məşqçisi Kamil Zeynallı 7-8 saat sonra sərbəst buraxılıb və Bakıya qayıdıb. Ermənistan Respublikası onu ölkənin Cinayət Məcəlləsinin 135 (İnsanlığa qarşı cinayətlər), 137 (Müharibə cinayətləri), 140 (Müharibə aparmaq üçün qadağan olunmuş üsullardan istifadə edən hərbi cinayətlər), 147 (Muzdlu cəlb etmək) və 149-cu (Təcavüz) maddələri ilə ittiham edib.
