Vətəndaşın müraciəti əsasında polis əməkdaşları söküntü işləri aparan şirkətin işləri dayandırıb.
Faktla bağlı prosessual araşdırmalar davam etdirilir. Araşdırmanın nəticəsindən asılı olaraq əmələ hüquqi qiymət veriləcəkdir.
10:30 - Evdən sakini qovan MTK-ya qarşı cinayət işi açılıb
Yasamal rayonunda xüsusi mülkiyyətdə olan mənzilin qanunsuz sökülməsi ilə bağlı araşdırma rayon prokurorluğunda aparılıb. Bu haqda bu gün, 5 iyul tarixində Bakuplus.az Baş Prokurorluğa istinadən məlumat verir.
Daha öncə məlum olub ki, Yasamal rayonunda söküntü işləri zamanı MTK ilə sakin arasında mübahisə yaranıb. Öz mənzilini tərk etməkdən imtina etdiyi güman edilən Afət Quliyeva gecə saatlarında naməlum şəxslər tərəfindən evindən zorla çıxarılıb.
Araşdırma zamanı MTK-nın vəzifəli şəxsləri tərəfindən vəzifə səlahiyyətlərindən sui-istifadə edilərək iyunun 30-da Afət Quliyevaya məxsus evin onun razılığı olmadan (ünvan: Bakı şəhəri, Yasamal rayonu, Əlibəy Hüseynzadə küçəsi, ev 53, mənzil 1) ümumi təhlükəli üsulla tamamilə sökülməsi nəticəsində ona külli miqdarda maddi ziyan vurulmasına əsaslı şübhələr müəyyən edilib.
Nəticədə Cinayət Məcəlləsinin “Külli miqdarda ziyan vurmaqla ümumi təhlükəli üsulla əmlakı qəsdən məhv etmə” və “Vəzifə səlahiyyətlərindən sui-istifadə” maddələri üzrə cinayət işi açılıb.
