Böyük Quruluş Partiyasının sədri, Milli Məclisin deputatı Fazil Mustafa növbəti dəfə əməliyyat olunub. Bu haqda o, öz Facebook səhifəsində bu gün, 8 aprel tarixində məlumat yayıb.
"Həmd olsun Allaha ki, hər şey yaxşılığa doğru gedir. Allah həkimlərimizdən və tibb personalımızdan razı olsun. Bu günlərdə sağlıq durumumla bağlı narahatlıq keçirən, dualarını əsirgəməyən bütün duyarlı insanlarımıza təşəkkür edirəm. Müalicə və reabilitasiya prosesi davam edir, inşallah, yaxın vaxtlarda yenə də qaldığımız yerdən mübarizəmizə davam edəcəyik. Allah millətimizi və dövlətimizi qorusun!", - Mustafa öz paylşımında yazıb.
28 mart tarixində deputat Fazil Mustafaya silahlı hücum olub. O, ayağından və çiynindən yaralanıb.
