Səhər saatlarında Yasamal rayonunda magistral su kəmərinin partlaması nəticəsində ətraf əraziləri su basıb. Bu haqda BakuPlus.az Apa-ya istinadən bu gün, 26 oktyabr tarixində xəbər verir.
Fövqəladə Hallar Nazirliyinin Dövlət Yanğından Mühafizə Xidmətinin Yasamal Rayon Yanğından Mühafizə Hissəsinin rəisi, daxili xidmət polkovnik-leytenantı Rəşad Nəsirov bildirib ki, məlumatla bağlı Fövqəladə Hallar Nazirliyinin müvafiq qurumları hadisənin aradan qaldırılması məqsədilə əraziyə cəlb olunub:
“Su basmış ərazidə suyun çəkilməsi işləri davam etdirilir. 3 avtomobil, 7 müxtəlif texnika suyun çəkilməsi prosesində iştirak edir. Hadisə yerinə gələn zaman məlum olub ki, suyun hündürlüyü təxminən 1 metrdən yuxarıdır. Su basan ərazi təxminən 1500 kvadratmetrdir. Müşahidələrimizə görə, hazırda suyun səviyyəsi aşağı düşüb. Müəyyən yerlərdə təxminən 40 santimetr, müəyyən yerlərdə isə 20 santimetrə enib".
[caption id="attachment_76483" align="alignnone" width="640"]
Foto apa.az saytı[/caption]
