FHN Bakıda hoteldə maarifləndirmə tədbiri keçirib. Bu haqda bu gün, 13 iyun tarixində Bakuplus.az APA-ya istinadən xəbər verir.
Fövqəladə Hallar Nazirliyi tərəfindən COP29-un Bakı şəhərində keçirilməsi ilə əlaqədar “Boulevard Hotel”də “Fövqəladə hallar zamanı davranış və yanğın təhlükəsizliyi qaydaları” mövzusunda maarifləndirmə tədbiri keçirilib.
Məqsəd hotellərdə mümkün fövqəladə hadisələrin qarşısının alınması məqsədilə profilaktik tədbirlərin görülməsi, hotel işçilərinin fövqəladə hallar zamanı davranış qaydaları və mülki müdafiə sahəsində biliklərinin artırılması olub.
Tədbir nəzəri və praktiki hissələrə bölünüb.
Fövqəladə Hallar Nazirliyi tərəfindən bu kimi tədbirlər mütəmadi olaraq təşkil edilir.
