Fövqəladə Hallar Nazirliyi (FHN) Bakıda reyd keçirib, binaların yaxınlığındakı süni maneələr sökülüb. Bu haqda bu gün, 21 iyun tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Paytaxt ərazisində aparılan yanğınsöndürmə tədbirləri zamanı FHN bölmələrinin səmərəli fəaliyyətinə mane olan bir sıra faktlar, o cümlədən binaların yaxınlığında dirəklərin quraşdırılması, yolun hərəkət hissəsində daş və beton maneələrin quraşdırılması ilə bağlı süni maneələr yaradan faktlar müəyyən edilib.
Belə faktların müəyyən edilərək aradan qaldırılması məqsədilə Fövqəladə Hallar Nazirliyinin dövlət yanğından mühafizə xidmətləri və dövlət yanğın nəzarəti orqanları tərəfindən birgə reydlər keçirilib.
