“Formula 1” üzrə Akkreditasiya Mərkəzi fəaliyyət başlayıb.
Bakı Şəhər Halqası xəbər verir ki, "Formula 1" üzrə Azərbaycan Qran-prisinin Uniforma və Akkreditasiya Mərkəzi fəaliyyətə başlayıb.
Azərbaycan Qran-prisinin təşkilinə cəlb olunacaq əməkdaşlar, könüllülər, marşallar, təhlükəsizlik əməkdaşları və podratçı şirkətlərin nümayəndələri bu mərkəzə gələrək, akkreditasiya kartları və uniformalarını əldə edə bilərlər. Yarışa qədər 28.000-ə yaxın akkreditasiya və formanın verilməsi nəzərdə tutulub.
Uniforma və Akkreditasiya Mərkəzinə 100-dən artıq könüllü cəlb edilib. Mərkəz fəaliyyət göstərdiyi müddətdə onlar qeydiyyat, akkreditasiya kartlarının hazırlanması, uniformaların verilməsi və sair kimi rolları yerinə yetirəcəklər. Bu il könüllü olmaq üçün 16.000-ə yaxın müraciət daxil olub və onlardan 2000-ə yaxın könüllü yarışın təşkilinə cəlb olunub.
Azərbaycan Qran-prisi 13-15 sentyabr tarixlərində baş tutacaq.
