Bakıda keçirilən “Formula 1” Azərbaycan Qran-prisində saat 13:30-da sərbəst yürüş başlayıb. Bu haqda bu gün, 28 aprel tarixində Bakuplus.az məlumat verir.
Yürüş zamanı "Alpin" komandasının pilotu Pyer Qasli uğursuzluqla üzləşib. Fransalı sürücünün bolidi sərbəst yürüş zamanı yanıb.
Əsas pilotların sıralama turu da bu gün baş tutacaq. Əsas yarış aprelin 30-da keçiriləcək.
Azərbaycan Qran-prisi başlamazdan əvvəl Hollandiyalı “Red Bull” pilotu Maks Ferstappen 132 xalla liderdir. Onun komanda yoldaşı, meksikalı Serxio Peres 116 xalla ikinci, “Aston Martin” komandasının ispaniyalı pilotu Fernando Alonso isə 85 xalla üçüncüdür. "Mercedes"in britaniyalı pilotu Lyuis Həmilton 64 xalla dördüncü, Alonsonun həmyerlisi, "Ferrari"dən Karlos Sayns isə 39 xalla beşincidir.
Konstruktorlar çempionatına 123 xalla “Red Bull” başçılıq edir, 65 xalla “Aston Martin” ikinci, 56 xalla “Mercedes” üçüncüdür.
