Formula - 1 Azərbaycan Qran Prisinin keçirilməsi ilə bağlı müqavilənin müddətinin uzadılması haqqında danışıqlar aparılır. Bunu jurnalistlərə "Baku City Circuit" əməliyyat şirkətinin mətbuat xidmətinin rəhbəri Turab Teymurov bu gün, 8 aprel tarixində deyib.
O qeyd edib ki, müqaviləyə əsasən, bu il sonuncu Formula - 1 Azərbaycan Qran Prisi keçiriləcək.
“Ancaq müqavilənin uzadılması ilə bağlı danışıqlar gedir. Ümidvarıq ki, Azərbaycan Qran Prisi bundan sonra da keçiriləcək. Şübhəsiz ki, Formula - 1-in bir çox iqtisadi və sosial faydaları var. Danışıqlarla bağlı yekun məlumat daxil olan kimi biz bu barədə ictimaiyyətə məlumat verəcəyik”, - deyə Teymurov bildirib.
Formula - 1 Azərbaycan Qran Prisi aprelin 28-dən 30-dək Bakıda keçiriləcək.
