Bakıdakı "Formula 1" yarışı üçün marşalların təliminə başlanılıb. Bu haqda bu gün, 7 may tarixində Bakuplus.az Bakı Marşal Klubuna istinadən xəbər verir.
Bakı Şəhər Halqası Əməliyyat Şirkətinin nəzdində fəaliyyət göstərən Bakı Marşal Klubu yerli marşalların təliminə başlayıb.
Təlimlərin keçirilməsində məqsəd Azərbaycanda keçiriləcək "Formula 1" yarışı zamanı mümkün fövqəladə halların idarə edilməsi, əməliyyat və qarşılıqlı fəaliyyət planları reallığının yoxlanılmasıdır.
Avropa Oyunları Parkında yerləşən Bakı Marşal Mərkəzində keçirilən təlim nəzəri və praktiki hissələrdən ibarətdir.
Nəzəri hissədə "Formula 1" üzrə Azərbaycan Qran-prisinin idarəetmə texnikaları və cari mövsümün yenilikləri marşallara öyrədilir.
Praktiki hissədə isə marşallar xüsusi olaraq hazırlanmış simulyasiya trekində öyrəndikləri bacarıqları tətbiq edirlər.
Yarışda 1470 marşalın iştirakı nəzərdə tutulur. “Formula 1” 13-15 sentyabr tarixlərində baş tutacaq.
[caption id="attachment_137376" align="alignnone" width="640"]
Foto açıq mənbədən[/caption]
