Beynəlxalq müsabiqələr laureatı bəstəkar Nigar Süleymanın İkinci Qarabağ müharibəsində şəhid olmuş Rəşad Babayevə həsr etdiyi “Simli kvartet” əsəri Polşada keçirilən beynəlxalq “WBM” müsabiqəsində birinci yeri tutub. Bu haqda bu gün, 25 iyun tarixində Bakuplus.az Azərtac-a istinadən məlumat verir.
Üzeyir Hacıbəyli adına Bakı Musiqi Akademiyası və Estoniya Musiqi və Teatr Akademiyasının məzunu müsabiqədə Amerika, Yaponiya, Çindən olan bəstəkarlarla birlikdə ən yüksək mükafata layiq görülüb.
Əsərdə qəhrəmanın ürək döyüntüləri, mübarizəsi və ölümü əks olunub.
Nigar Süleyman 13 yaşından bəstələməyə başlayıb. O, həm Vətəndə, həm də Estoniyada təhsil alıb. Azərbaycanda, Türkiyədə keçirilmiş müsabiqələrin qalibi və diplomantı olub.
