Gözünün çıxarıldığını iddia edən qadının ərinin vəkili danışıb. Bu haqda bu gün, 24 aprel tarixində Bakuplus.az Media.az-a istinadən xəbər verir.
Yalçın Bektimirovun vəkili Siyasət Sultanlı məsələ ilə bağlı açıqlama verib. Onun sözlərinə görə, Anastasiyanın gözünü ərinin günahı üzündən itirməsi həqiqəti əks etdirmir:
“Ekspertizanın nəticəsinə əsasən, Anastasiya Bektimirovanın gözündə uşaqlıqdan xroniki xəstəlik olub və hadisədən öncə onun gözü artıq işıq qəbul etmirdi. Gözün çıxarılması isə bu xəstəliyin nəticəsidir”.
Vəkil əlavə edib ki, Anastasiya da öz ərini döyüb. Bununla bağlı təsdiqedici şəkillər də var. Anastasiya Bektimirovanın hazırda tək məqsədi evin yeganə sahibi olmaqdır.
“Yalçın neft şirklətində yüksək vəzifədə idi. Yaxşı maaşı olub və ipotekanı uzun illər özü ödəyib. Onun möhtəşəm karyerası var idi. İndi isə o, hər şeyi itirib”, – deyə vəkil qeyd edib.
Daxili İşlər Nazirliyi məsələnin araşdırılacağını bildirmişdi.
