Ögey atasını öldürməkdə ittiham olunan Elgün Abbasova hökm oxunub. Bu haqda bu gün, 8 may tarixində Bakuplus.az Qafqazinfo-ya istinadən xəbər verir.
Bakı Ağır Cinayətlər Məhkəməsində Səbinə Məmmədzadənin sədrliyi ilə keçirilən hakimlər heyətinin hökmü ilə 22 yaşlı E.Abbasov anlaqsız vəziyyətdə cinayət törətdiyinə görə ona həbs cəzası verilməyib. Təqsirkara psixiatriya xəstəxanasında məcburi müalicə tətbiq ediləcək.
Hadisə ötən ilin may ayında Binəqədi rayonunda baş verib. Elgün Abbasov aralarında yaranmış mübahisə zamanı 45 yaşlı Rahib Mehdiyevi bıçaqla qətlə yetirib.
Ona qarşı Cinayət Məcəlləsinin “Qəsdən adam öldürmə – xüsusi amansızlıqla və ya ümumi təhlükəli üsulla adam öldürmə” maddəsi ilə ittiham irəli sürülüb.
