Məşhur ifaçı Bahh Tee-nin (Bəxtiyar Əliyev) keçmiş həyat yoldaşı Fərqanə Həsənova öz İnstagram səhifəsində müzakirələrə səbəb olan paylaşım edib. Bu haqda bu gün, 18 iyul tarixində Bakuplus.az məlumat verib.
Belə ki, o, iştirak etdiyi “Golden Hand Awards” gözəllik müsabiqəsinin qeyri-ədalətli olduğunu bildirib. Onun sözlərinə görə, müsabiqənin təşkilatçısı Pərviz Əzimzadə ona finalda yer vəd edərək, ölkəyə qayıtmağını xahiş edib.
“Müsabiqə zamanı hər şeyi öz hesabıma almağa məcbur oldum - obrazlar, ayaqqabılar və s. Yarış günü bizə, hətta yemək vermədilər. Mən ac olduğumu deyəndə təsisçisi mənə kartoflu “pirojki” təklif etdi. Bundan əlavə, müsabiqəçilər reklam çəkilişində iştirak ediblər, lakin bu xidmətlər şirkət tərəfindən ödənilməyib. Təbii ki, təşkilatçı bunun üçün pul alıb, özü üçün götürüb. Müsabiqə günü stilistlərin, vizajistlərin olacağını, hər şeyin ondan olacağını, amma heç nə olmadı”, - deyə model öz səhifəsində yazıb.
Həsənova onu da əlavə edib ki, müsabiqə günü iyirmiyə yaxın qız üçün bir vizajist və bir stilist olub. Nəticədə geyim, eləcə də vizajist və stilist xidmətlərini öz vəsaiti hesabına ödəyib.
Fərqanə bildirib ki, əvvəlcədən aydın oldu ki, yarışmanın yerləri satılaraq qızlar arasında paylanılıb: “Aparıcı bir qıza xüsusi diqqət ayırırdı. Hər şeyi qabaqcadan bilən və üzümə gülən bəzi qızlar məni şoka salmışdılar. Müsabiqədə olan beş tacdan ikisi təxminən 1.50 m boyu olan qızlara verildi. Ümumiyyətlə, mən pul və reklam xatirinə istifadə olunub, aldadılmışam. Qızlar, sizə məsləhətim: heç vaxt Azərbaycanda gözəllik yarışmasına qatılmayın. Burada hər şey pulla alınır və bu sahədə insanlar iyrəncdirlər. Burada onların hamısı öz xeyrini güdür, sizi aldadacaqlar, hətta elə bir şəkildə ki, özünüz heç nə başa düşməyəcəksiniz. Heyif ki, buna çox pul xərcləmişəm, heyif ki, hər şey vicdansız olub. Həmin şəxsin kim olduğunu bilin və bu məxluqdan heç vaxt işiniz keçməsin – onun adı Pərviz Əzimzadədir. Səhvlərimi təkrarlamayın”.
Bəxtiyar Əliyev və Fərqanə Həsənova 2016-cı ildə ailə qurub, 2019-cu ilin oktyabrında ayrılıblar. Həsənovanın sözlərinə görə, boşanmaya səbəb məşhur müğənninin xəyanəti olub.
