Azərbaycanda hərbçilərin avqust ayının pensiyalarını ala bilməməsi ilə bağlı şikayətlər yayılıb. Bu haqda bu gün, 19 avqust tarixində Bakuplus.az Qafqazinfo-ya istinadən xəbər verir.
Sosial şəbəkələrdə yayılan məlumatlara görə, hər ayın 15-də pensiya ödənişi həyata keçirilsə də, bu ay gecikmə olub. Avqustun 16-da Dövlət Sərhəd Xidməti və Daxili Qoşunlarda xidmət etmiş hərbçilərin pensiyaları ödənilsə də, digər hərbçilər hələ də pensiya ala bilməyib.
Dövlət Sosial Müdafiə Fondu bildirib ki, pensiyaların ödənişində gecikmə yoxdur və avqust ayının pensiyaları ödənilir.
Avqustun 9-da Bakı, Sumqayıt və Abşeron rayonları üzrə, avqustun 15-dən isə digər rayonlarda pensiyalar ödənilib. Güzəştli şərtlərlə pensiya alanların maliyyələşdirilməsi başa çatdırılıb, ödənişlər banklar vasitəsilə davam edir və günün sonuna qədər tamamlamağa çalışılır. Avqust ayının pensiyaları ay bitməmiş yekunlaşdırılacaq.
