Prezident hərbi xidmətlə bağlı sərəncam imzalayıb.
Bakuplus.az Prezidentin rəsmi saytına istinadən xəbər verir ki, cari ilin oktyabr ayı üçün həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında sərəncam imzalanıb.
Qərarda aşağıdakı bəndlər qeyd olunub:
- 2006-cı ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə, yaşı 35-dək olan və müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya çağırışdan azad edilməmiş Azərbaycan Respublikası vətəndaşları 2024-cü il 1-30 oktyabr tarixlərində müddətli həqiqi hərbi xidmətə çağırılsınlar.
- Xidmət müddətini keçmiş müddətli həqiqi hərbi xidmət hərbi qulluqçuları 2024-cü il 1-30 oktyabr tarixlərində ehtiyata buraxılsınlar.
- Azərbaycan Respublikasının Nazirlər Kabineti bu Sərəncamın icrası üçün qanunvericilikdə nəzərdə tutulmuş tədbirləri görsün.
