“Park Bulvar” ticarət mərkəzində kəmərlə insanları hədələyən şəxs həbs olunub. Bu haqda bu gün, 18 aprel tarixində Bakuplus.az Daxili İşlər Nazirliyinə istinadən xəbər verir.
Bakı sakini Arif İbrahimov 15 sutka müddətinə azadlıqdan məhrum edilib.
17 aprel tarixində sözügedən məkanda məşhur bloger Hüseyn Həsənov fanatları ilə görüş keçirib. Ticarət mərkəzinə çoxlu sayda insan toplanıb ki, bu da izdihamlara səbəb olub. Bloger səhnədə 5 dəqiqədən artıq qala bilməyib.
Hadisədən sonra bloger əməli törədən şəxsin onun mühafizəçilərindən olmadığını bildirmiş, daha sonra həmin şəxsin şəklini paylaşaraq “O yaxşı adamdır, həqiqətən” və “Mən onun xətrinə dəyməyə qoymaram” deyə yazmışdır.
