Türkiyənin “Haber Global” telekanalında Zəngəzur dəhlizinin tarixi və iqtisadi önəmi müzakirə edilib. Bu haqda bu gün, 20 sentyabr Bakuplus.az məlumat verir.
Verilişdə qonaq qismində çıxış edən ekspert Güngör Yavuzarslan bildirib ki, Zəngəzur tarixi baxımından Azərbaycan və bütün türk dünyasının ayrılmaz parçası olub.
Azərbaycanın Qarabağ bölgəsində keçirdiyi lokal xarakterli antiterror tədbirlər müzakirə olunan proqramda qeyd edilib ki, Atatürk hələ 100 il əvvəl Naxçıvanla Türkiyə arasında bir sərhəd qurmaq üçün İranla torpaq mübadiləsi edib və bununla da 13 kilometrlik sərhəd xətti açılıb.
“Türkiyə ilə fiziki əlaqə yaradan bu ərazinin mövcudluğu istər türk dünyası, istərsə də Azərbaycan üçün çox önəmlidir”, – deyə ekspert vurğulayıb.
