Heydər Əliyev prospektinin 17,4 km-lik hissəsində, şəhər istiqamətində yeni istiqamətverici lövhələr quraşdırılacaq. Bu haqda bu gün, 26 iyul tarixində Bakuplus.az Azərbaycan Avtomobil Yolları Dövlət Agentliyinə istinadən məlumat verir.
İşlər bu axşam saat 22:00-dan səhər saat 05:00-dək aparılacaq. Quraşdırma zamanı işlərin aparıldığı zolaqlarda avtomobillərin hərəkəti məhdudlaşdırılacaq.
“Sürücülərdən qeyd olunan saatlarda sözügedən ərazidə hərəkətdə olarkən diqqətli olmaları, yol hərəkəti qaydalarına və müvəqqəti yol nişanlarının tələblərinə riayət etmələri xahiş olunur”, - agentlikdən bildirilib.
