Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev Beynəlxalq Qızıl Xaç Komitəsinin (BQXK) Bakı Ofisi, həmçinin digər beynəlxalq tərəfdaşlarla görüşüb. Bu barədə o, “X” platformasında paylaşımında qeyd edib.
Ermənistanın baş nazirinin özünün də etiraf etdiyi kimi, mülki əhaliyə zərər dəyməyib. Bununla bağlı Aİ, Fransa və Almaniya rəsmilərinin yoxlanılmamış və qeyri-ciddi bəyanatları anlaşılmazlıq doğurur.
- İclasda bildirdik ki, Laçın-Xankəndi və Ağdam-Xankəndi yolları ilə BQXK-nın dərman, ərzaq və digər yüklərinin daşınması üçün bütün lazımi şərait yaradılır və yaradılacaq;
- Azərbaycan tərəfi BQXK-nın vasitəçiliyi ilə erməni millətindən olan yaralı hərbçilərə tibbi yardım göstərməyə və ya onlara kömək etməyə hazırdır. Yaralı hərbçilərin aparılması üçün müraciət əsasında BQXK-nın tibbi maşınlarının hərəkəti təmin edilir. Bu məqsədlər üçün biz də təcili yardım maşınları verməyə, tibbi yardım göstərməyə hazırıq.
- Ermənistana tibbi təxliyə üçün Ermənistandan da tibbi maşınlar gələ bilər.
- Rusiya sülhməramlıları ilə birlikdə döyüş meydanında qalan döyüşçülərin cəsədlərinin toplanması istiqamətində işlər aparılır.
- Biz BQXK-nın Cenevrə ofisindən əlavə personalın göndərilməsini dəstəkləyirik. Biz, həmçinin Bakı ofisindən Xankəndi ofisinə əlavə heyətin göndərilməsinin tərəfdarıyıq.
- Biz könüllü və fərdi seçim əsasında Xankəndi-Laçın yolu ilə mülki şəxslərin şəxsi nəqliyyat vasitələri ilə hərəkətinin təhlükəsizliyini təmin edirik. Maraqlananlar arasında, əsasən, hərbçi ailələrinin üzvləri var.
- Könüllü surətdə silahı yerə qoyan hərbi qulluqçular açıq qeyd etdiyimiz kimi, azaddırlar.
“Mülki-hərbi əməkdaşlıq konsepsiyası çərçivəsində Azərbaycanın hərbi qulluqçuları və yerlərdə mülki şəxsi heyət mülki əhaliyə yardım göstərir və bundan sonra da göstərəcək”, – paylaşımda deyilir.
I had a meeting with the @ICRC Baku Office and other international partners.
Strict observance of the İnternational Humanitarian Law by the Armed Forces of Azerbaijan and by all means, avoiding collateral damage during the local anti-terrorist measures, which lasted 23 hours and…
— Hikmet Hajiyev (@HikmetHajiyev) September 22, 2023
