Rusiya və MDB ölkələrində məşhurlaşan azərbaycanlı videobloger və iş adamı Hüseyn Həsənov aylar sonra “Telegram” sosial şəbəkə platformasının yarıdıcısı, milyarder iş adamı Pavel Durovla bir araya gəlib.
Olay.az xəbər verir ki, bununla bağlı Hüseyn "Instaqram" səhifəsində foto paylaşıb.
Dubayda lüks idman zallarının birində görüşən iki məşhur foto çəkdirib.
Foto Natali adlı model tərəfindən çəkilib və o, "Instaqram" səhifəsində hər iki məşhurun adını işarələyərək izləyiciləri ilə bölüşüb.
Görüntüdə diqqət çəkən məqam isə Durovun idman zalında qara eynəkdə olması və əzələli bədən quruluşu nümayiş etdirməsi olub.
Xatırladaq ki, P.Durov Fransada həbs olunmazdan əvvəl Bakıda qonaq olub. O paytaxtımızda olarkən həm Hüseyn Həsənovla, həm də Xalq artisti Emin Ağalarovla bir araya gəlib.
Qeyd edək ki, Durov avqustun 24-də “Le Burje” hava limanında saxlanılıb. Bir neçə gün sonra o, qeyri-qanuni əməliyyatlar üçün onlayn platforma işlətmək, hakimiyyət orqanları ilə əməkdaşlıqdan imtina etmək və mütəşəkkil qrupun tərkibində cinayətləri gizlətmək də daxil olmaqla bir neçə maddə ilə ittiham olunub. Milyarder 5 milyon avro girov müqabilində Fransadan çıxmasına qadağa qoyularaq sərbəst buraxılıb.
