Bakıda II Fəxri Xiyabanda torpağa tapşırılan Azərbaycanın Milli Qəhrəmanı, Aprel döyüşlərinin şəhidi polkovnik-leytenant Murad Mirzəyevin doğum günü münasibətilə anım tədbiri keçirilib. Bu haqda BakuPlus.az Report-a istinadən bu gün, 31 mart tarixində xəbər verir.
Anım mərasimində Müdafiə Nazirliyinin və Yasamal Rayonu İcra Hakimiyyətinin nümayəndələri, şəhidin ailə üzvləri və yaxınları, döyüş yoldaşları iştirak ediblər.
Mərasimdə çıxış edənlər Murad Mirzəyevin şərəfli həyat və xidmət yolundan, onun vətənpərvərliyindən, göstərdiyi şücaət və qəhrəmanlıq nümunələrindən danışıblar.
Şəhid zabitin göstərdiyi rəşadət Azərbaycan Prezidenti, Silahlı Qüvvələrin Ali Baş Komandanı İlham Əliyev tərəfindən yüksək qiymətləndirilib.
