Bakıya Şimal rayonlarından qayıdan insan axını davam etməkdədir. Bu haqda bu gün, 28 mart tarixində Report xəbər verib.
Novruz bayramını bölgələrdə yaşayan yaxınları ilə qeyd etmək üçün rayonlara üz tutan sərnişinlər artıq paytaxta qayıtmağa başlayıblar.
Rayon avtovağzallarında sərnişin izdihamı daha çox müşahidə olunub. Əksər sərnişinlər Bakı və Sumqayıta gedənlər olub.
Vəziyyət nəzərə alınaraq xəttə yeni avtobuslar buraxılıb.
Avtovağzal rəsmiləri süni qiymət artımına ciddi nəzarət edildiyini bildiriblər.
İş həftəsi başlamasına baxmayaraq bölgənin avtovağzallarında yaşanan bu izdiham hələ də davam edir.
