Qaradağ Rayon Məhkəməsində elektron məlumat daşıyıcılarından və informasiya texnologiyalarından istifadə edilməklə törədilmiş oğurluq cinayəti ilə bağlı cinayət işi üzrə hökm elan olunub.
İş materiallarına əsasən təqsirləndirilən şəxs Qaradağ rayonu ərazisindəki "Binə" Ticarət Mərkəzinin yaxınlığında avtomobilə sərnişin kimi əyləşərək sürücünün mobil telefonundan istifadə edib. İttihama görə, o, internetə qoşulmaq bəhanəsi ilə bir neçə dəfə zərərçəkmişin telefonunu götürərək mobil bank tətbiqi vasitəsilə zərərçəkmişə məxsus bank hesabından öz bank kartına 700 manat köçürüb.
Məhkəmənin hökmünə əsasən, o, 2 il 6 ay müddətinə azadlıqdan məhrum etmə cəzasına məhkum edilib.
Mənbə: qaynarinfo.аz
